- Album Intro
- Lyrics
- Album list
- Singer Intro
蘇明淵
-
流浪的吉他
Lyricist:蘇明淵 Composer:蘇明淵
我有一支舊吉他 綴我流浪到遮 都市到庄跤 有伊就有我 你問我唱啥物歌 我唱的是生活 快樂悲傷戀愛失戀 伊毋捌離開我
流浪的吉他 陪伴我一站過一站 伴奏著青春的歌 人生的夢 心內的孤單 流浪的吉他 彈一聲心內就丟一聲 窗外的世界看未透 心內的聲音有誰 欲聽
伊乾焦用六條線 就感動我的心肝 我熟識音樂 甲咱送作伴 親像一个老朋友 了解我的心情 傷心的時陣彈無成調 歡喜的時陣彈未煞
我有一支舊吉他 綴我流浪來遮 行過春夏秋冬 看我慢慢啊老
------------------------------------------
9696/《流浪的吉他》Liû-lōng ê Gì-tah 蘇明淵Soo Bîng-ian
我有一支舊吉他 guá ū tsi̍t-ki kū gì-tah 綴我流浪到遮 tuè guá liû-lōng kàu tsia 都市到庄跤 too-tshī kàu tsng-kha 有伊就有我 ū i tō ū guá
你問我唱啥物歌 lí mn̄g guá tshiùnn siánn-mih kua 我唱的是生活 guá tshiùnn ê sī sing-ua̍h 快樂悲傷 khuài-lo̍k pi-siong 戀愛失戀 luân-ài sit-luân 伊毋捌離開我 i m̄-bat lī-khui guá
流浪的吉他 liû-lōng ê gì-tah 陪伴我一站過一站 puê-phuānn guá tsi̍t-tsām kuè tsi̍t-tsām 伴奏著 phuānn-tsàu tio̍h 青春的歌 tshing-tshun ê kua 人生的夢 jîn-sing ê bāng 心內的孤單 sim-lāi ê koo-tuann
流浪的吉他 liû-lōng ê gì-tah 彈一聲 tuânn tsi̍t-siann 心內就搐一聲 sim-lāi tō tiuh tsi̍t-siann Find more lyrics at ※ Mojim.com 窗外的世界看袂透 thang-guā ê sè-kài khuànn buē-thàu 心內的聲音 sim-lāi ê siann-im 有誰欲聽 ū siáng beh thiann
伊干焦用六條線 i kan-na iōng la̍k-tiâu suànn 就感動我的心肝 tō kám-tōng guá ê sim-kuann 𤆬我熟似音樂 tshuā guá si̍k-sāi im-ga̍k 共咱送做伴 kā lán sàng tsuè-phuānn
親像一个老朋友 tshin-tshiūnn tsi̍t-ê lāu-pîng-iú 了解我的心情 liáu-kái guá ê sim-tsîng 傷心的時陣 siong-sim ê sî-tsūn 彈無成調 tuânn bô sîng-tiāu 歡喜的時陣 huann-hí ê sî-tsūn 彈袂煞 tuânn buē-suah
流浪的吉他 liû-lōng ê gì-tah 陪伴我一站過一站 puê-phuānn guá tsi̍t-tsām kuè tsi̍t-tsām 伴奏著 phuānn-tsàu tio̍h 青春的歌 tshing-tshun ê kua 人生的夢 jîn-sing ê bāng 心內的孤單 sim-lāi ê koo-tuann
流浪的吉他 liû-lōng ê gì-tah 彈一聲 tuânn tsi̍t-siann 心內就搐一聲 sim-lāi tō tiuh tsi̍t-siann 窗外的世界看袂透 thang-guā ê sè-kài khuànn buē-thàu 心內的聲音 sim-lāi ê siann-im 有誰欲聽 ū siáng beh thiann
我有一支舊吉他 guá ū tsi̍t-ki kū gì-tah 綴我流浪來遮 tuè guá liû-lōng lâi tsia 行過春夏秋冬 kiânn kuè tshun-hā tshiu-tang 看我慢慢仔老 khuànn guá bān-bān-á lāu
流浪的吉他 liû-lōng ê gì-tah 陪伴我 puê-phuānn guá
- Special thanks to W.B. Chen for correcting the lyric.
- Related Links: W.B. Chen
|